◆ Ausbildung nədir
Ausbildung Almaniyada peşə təhsili sistemidir. Bu sistemdə insan həm oxuyur, həm də işləyir. Yəni bir tərəfdən məktəbdə nəzəri dərslər keçir, digər tərəfdən isə şirkətdə işləyərək praktik təcrübə qazanır. Buna Almaniyada “dual sistem” deyilir.
Ausbildung adətən 2 ildən 3,5 ilə qədər davam edir. Bu müddətdə tələbə həm peşə öyrənir, həm də aylıq maaş alır.
◆ Ausbildung kimlər üçündür
Ausbildung əsasən Almaniyada peşə öyrənmək və gələcəkdə həmin sahədə işləmək istəyən insanlar üçün nəzərdə tutulub. Orta məktəbi bitirmiş şəxslər və ya müəyyən peşə ilə maraqlanan insanlar Ausbildung proqramına müraciət edə bilərlər.
Bu proqram xüsusilə gənclər üçün çox yaxşı imkan yaradır, çünki həm peşə öyrənmək, həm də işləyərək təcrübə qazanmaq mümkündür.
◆ Ausbildung üçün hansı şərtlər lazımdır
Ausbildung üçün əsasən aşağıdakı şərtlər tələb olunur:
Orta məktəb və ya diplom
Alman dili biliyi (ən azı A2 və ya B1)
CV (Lebenslauf)
Motivasiya məktubu (Bewerbungsschreiben)
Etibarlı pasport
Bəzi sahələrdə əlavə sənədlər və ya müəyyən səviyyədə dil biliyi tələb oluna bilər.
◆ Ausbildung üçün necə müraciət edilir
Ausbildung üçün müraciət etmək bir neçə mərhələdən ibarətdir. İlk olaraq alman dili öyrənmək lazımdır. Daha sonra Almaniya standartlarına uyğun CV və motivasiya məktubu hazırlanır.
Sonra Ausbildung elanları olan saytlarda uyğun proqramlar tapılır və şirkətlərə müraciət edilir. Şirkət müraciəti qəbul etdikdən sonra müsahibə keçirilir. Müsahibə uğurlu olarsa, şirkət tərəfindən Ausbildung müqaviləsi göndərilir.
◆ Ausbildung tapmaq üçün istifadə olunan saytlar
Ausbildung yerlərini tapmaq üçün aşağıdakı saytlar istifadə olunur:
Ausbildung.de
Arbeitsagentur.de
Indeed.de
StepStone.de
LinkedIn
Bu platformalarda müxtəlif sahələr üzrə Ausbildung elanları yerləşdirilir.
◆ Ausbildung zamanı maaş
Ausbildung proqramında iştirak edən şəxslər aylıq maaş alırlar. Maaş sahəyə və şirkətə görə dəyişə bilər.
Təxminən belə olur:
1-ci il: 800 – 1000 avro
2-ci il: 900 – 1100 avro
3-cü il: 1000 – 1300 avro
Bəzi sahələrdə maaş daha yüksək ola bilər.
◆ Ausbildung bitdikdən sonra nə olur
Ausbildung proqramı bitdikdən sonra bir çox hallarda şirkət həmin şəxsi işə götürür. Bu zaman artıq normal iş müqaviləsi bağlanır və tam işçi kimi işləmək mümkün olur.
Bir neçə il Almaniyada işlədikdən sonra isə daimi oturum almaq imkanı yaranır.
◆ Ausbildung üçün vacib məsləhət
Ausbildung proqramına müraciət edərkən sənədlərin düzgün hazırlanması və dil biliyinin yaxşı olması çox vacibdir. Çünki Almaniyada bir çox şirkət müraciət edən şəxsin alman dilini başa düşməsini və ünsiyyət qura bilməsini istəyir.
Düzgün hazırlanmış CV və motivasiya məktubu Ausbildung tapmaq prosesində çox böyük rol oynayır.
Əsas səhifə 